Слаб земјотрес утрово го стресе Скопје. 

Потрес со јачина од два степена по Рихтеровата скала е регистриран рано утринава во 3.11 часот во Скопје.

Сеизмолошката опсерваторија при Природно-математичкиот факултет во Скопје соопшти дека земјотресот бил почувствуван во Скопје и околината со интензитет од три до четири степени по Европската макросеизмичка скала.

Епицентарот на земјотресот се наоѓа во источниот дел на Скопското епицентрално подрачје. 

Земјотресот бил на длабочина од 2 км. Истиот е почувствуван и во делови на Косово и Србија. 

Утрово повеќе земјотреси имало во Грција, Италија, Кипар, Турција и други земји. 

Земјотрес од 5,3 степени според Рихтер го потресе централниот дел на државата Оклахома, соопшти геофизички институт на САД, цитиран од АП.