Скопските комуналци ја добија августовската плата по една недела протест
Вработените во компаниите основани од ЈП Паркови и Зеленило, Флораком и Луна, денеска ја земаа августовската плата, по седумдневните протести.
Претседателот на Синдикатот на СУТКОЗ, Стојанче Кашиковски за МИА изјави дека утрово од 8:30 до 9:30 часот, вработените одржале протест, без блокирање на улиците, само пред влезот на ЈП „Паркови и зеленило“ – Скопје.
Кашиковски апелираше раководството на ЈП „Паркови и зеленило“ веднаш да почне со правење напори за обезбедување средства за исплата на септемвриската плата за вработените од ЈП „Паркови и зеленило“, „Флораком“ и „Луна“ да не бидат принудени повторно нивното основното човеково право и основно работничко право на плата да го бараат преку протести и блокади на булеварите и крстониците во Град Скопје.
Вработените од Флораком и Луна една недела со поддршка од Сојузот на синдикати на Македонија протестираа блокирајќи го булеварот Илинден во Скопје.
Слично
Поврзани вести
