Центарската населба Капиштец во Скопје конечно доби функционално основно училиште во кое локалните жители ќе може да следат настава, откако учениците до сега мораше да се запишуваат во околните населби во општината.
ОУ „Киро Глигоров" започна со работа на првиот училишен ден од новата учебна 2019/2020 година, а тоа е прво изградено училиште во општината по пауза од 50 години.
„Утрово ООУ „Киро Глигоров“ ги отвори вратите за првите ученици. Училиштето во Капиштец е прво ново-изградено во Општина Центар по цели 50 години, кое го решава повеќе деценискиот проблем на жителите од оваа населба.
Тие повеќе нема да да ги носат децата во училишта во други населби, затоа што од денеска имаат училиште во својата“, истакна градоначалникот Саша Богдановиќ.
Има 21 училница, 7 специјализирани кабинети за предметна настава, спортска сала и гимнастичка сала, ботаничка градина, трпезарија со кујна, наставнички кабинет и канцеларии за персонал, како и инклузивна просторија – Дневен центар за деца со церебрална парализа.
Сите училници и кабинети се опремени со стандардни школски табли, проектори и смарт-табли со повеќе функционалности на допир, во кои е вграден софтвер кој овозможува интерактивно искуство во учењето, а на наставниците им нуди широк спектар на алатки за поддршка во секојдневната настава.
„Ново училиште, ново одделение, нов предизвик... Со среќа најверна другарке“, објави Макрадули.
