Скопски булевар ќе го носи името на кралицата на ромската песна Есма Реџепова-Теодосиевска, по одлука на Министерството за култура со што ќе и се оддаде почит на оваа славна уметница која остави траен белег на музичката сцена во Македонија и пошироко. 

По тој повод вчера во Министерството за култура кај министерот Роберт Алаѓозовски беа примени претседателката на хуманираното здружение “Есма и Стево Теодисевски”, Зорана Костовска, и долгогодишната активистка Мирјана Марковска. 

Претседателката Костовска објасни дека оваа иницијатива за именување на булеварот по името на Есма поодамна тлее не само во самото здружение, туку и кај премногу луѓе во Македонија кои ја почитуваат Есма и како уметник, но и како човек, голем хуманитарец и голема Македонка.