Попладнево Скопје беше зафатен од силно невреме проследено со пороен дожд, силен ветер и појава на град. Невремето зафати повеќе делови од градот.

Невреме попладнево зафати и други градови. За кратко време наврна силен дожд проследен со град, според жителите, повремено снемува електрична енергија и паѓаат мобилните мрежи.

Во повеќе скопски општини беа забележани наноси од мраз, а граѓаните на социјалните мрежи споделија фотографии од дворови, покриви и возила покриени со слој од град.

Од надлежните служби засега нема информации за причинета материјална штета или повредени лица, но се апелира на внимателност и следење на временските прогнози.

Метеоролозите најавуваат дека нестабилното време ќе продолжи и во наредните часови, со можност за нови локални врнежи и грмежи.