Комисијата за заразни болести денеска ќе достави предлог до Владата повторно да биде воведен полицискиот час во општините од каде има најмногу заразени со корона вирусот, а тоа се: Скопје, Тетово, Куманово, Липково и Штип. Завраната за движење на граѓаните, би требало да важи од 22.00 до 05.00 часот.

Од Комисијата за Фактор велат дека иако кривата на позитивни се уште е над 100, станува збор за асимптоматски случаи.

-Не би требало толку да се шириме во тестирањата, вели изворот на Фактор, и додава дека најголемиот број тестирани граѓани кои се позитивни немаат никакви симпотоми. Затоа, како што потенцира изворот на Фактор, и бројката се движи над 100.

Дали ќе биде прифатен предлогот или не, Владата денеска на седница ќе одлучува.

Претходно Фактор информираше дека Комисијата денеска разговарала и за отворање на границите, но препорака нема да дата се додека бројот на заразени не падне под 50 случаи.