Уште рано утринава скопјани ги запоседнаа маркетите со цел да ги набават потребните намирници за долгиот претстоен карантински викенд, кој ќе трае три дена, односно од денеска во 21 часот па се до 5 часот во понеделник.

Фактор засега направи аматерска фотографија, повеќе ќе следуваат во текот на денот.

Покрај ова, голем дел од граѓаните кои денеска немаат работни обврски, уште од утрово со своите автомобили се упатија кон некои од општините каде што нема да има цели три дена полициски час. 

Ова следува откако Владата вчера ја објави веста за полицискиот час, прифаќајќи го предлогот на Комисијата за заразни болести. 

Петок, сабота и недела во другите градови има забрана за движење од 16 часот до 5 часот следниот ден. 

Групирање на граѓаните на семејни собири, непочитување на мерките при превоз доведе до раст на бројот на заразени. Се забранува посета на гробиштата, освен за погреби. 

Филипче вчера рече дека сите овие мерки се издржани, прецизни и навремени. 

Дел од реакциите се однесуваат дека со оваа одлука практично се онеправдани граѓаните кои во изминатите два месеци целосно и педантно ги почитуваа владините рестриктивни мерки, но сега повторно ќе бидат практично „казнети“, поради недисциплината и непочитување на препораките од други граѓани, кои доведоа до ширење на коронавирусот и голем број на нови случаи. Некои од реакциите се и на верска основа, во смисла зошто на православните верници ќе им биде оневозможено да отидат на гробишта за верскиот празник Задушница, исто како што не можеа да ги посетат црквите за Велигден. Трет дел од критиките се однесува на фактот што во текот на денешниот ден повторно би се создал хаос по маркетите, од граѓаните кои ќе треба да набават намирници за претстојните три дена. Многу од граѓаните, исто така, и укажуваат на власта дека набргу ќе има избори, а оваа нејзина одлука тие ќе ја имаат предвид при гласањето.