Аквапаркот во населбата Карпош ќе започне да функционира за два месци. Веќе се гледаат административната зграда и двете кули каде што ќе има 10 тобогани,а при крај е и базенот со бранови, а во фаза на реализација се и мрзливата река и детскиот базен, тематизиран според „Пиратите од Kарибите“, пишува „Дневник“. Аквапаркот кој ќе започне со работа во јуни годинава ќе работи во две смени и тоа едната од 10.30 до 17.30 часот и другата од 18 до 1 часот по полноќ. Влезниците ќе чинат од 250 до 350 денари. - Цената ќе биде варијабилна заради понудата на фамилијарни пакети, а ќе има и гратис-влезници за тие што ќе го посетат објектот петпати во еден месец - најави  директорот Ратко Kапушевски за Дневник.