Општина Карпош ќе  изработи урбанистички план за ски патеките, за што во тек е јавна анкета која ќе трае до 22 октомври, со што е прифатена идејата на градоначалникот Коце Трајаносвки, на Водно да се изгради ски патека. Откако локалната власт ќе го усвои планот, тогаш Градот ќе распише тендер за избор на концесионер, за што веќе се подготвува тендерската документација Градската власт веќе ангажираше консултантска куќа која изработи студија за исплатливост на инвестицијата. Скијачката патека ќе се протега на местото каде што некогаш се наоѓала иста таква патека, а која денес е нефункционална, односно десно од Милениумскиот крст, кон Нерези.