По заклетвата на претседателката Гордана Силјановска - Давкова во Собранието, каде што не го изговори целот име на државата, туку само Македонија, реакции од сите страни, особено од соседна Грција. 

По опомените од нивното Министерство за надворешни работи, и напуштањето на Собранието од страна на нивната амбасадорка за време на заклетвата на претседателката, се огласи и првиот човек на „СИРИЗА“, партијата која беше на чело на Грција, кога беше потпишан Преспанскиот договор. 

- Ние, како партија која скапо го плати својот патриотизам, го повикуваме новото раководство на Северна Македонија да се вразуми и да размисли за своите одговорности кон историјата и иднината на нејзиниот народ - напиша на платформата Икс претседателот на СИРИЗА Стефанос Каселакис.

Лидерот на грчката опозициска партија упатува прашања, но и критики до актуелниот грчки премиер во врска со Договорот од Преспа, со оглед на ставот и противењето на Кирјакос Мицотакис во периодот кога беше опозиција. 

Го прашува зошто сега моли да се почитува Договорот и дали можеби сепак „не беше предавнички“ договор. 

- Премиерот вели дека не му се допадна Договорот, но „државата има континуитет и затоа треба да се почитува“. Не, господине Мицотакис. Никогаш не молиш да се почитува нешто што е негативно за твојата земја, напиша Каселакис, додавајќи дека или се смета за корисен договор за Грција и се почитува или се смета за лош договор и се поништува.

Паралелно посочува дека „историската вистина понекогаш задоцнето се појавува, но секогаш ги оправдува храбрите, вистинските патриоти“. 

Γιατί αποχώρησε η ελληνίδα πρέσβης από την ορκωμοσία της νέας Προέδρου της Βόρειας Μακεδονίας, επειδή αποκάλεσε τη χώρα της με το συνταγματικό όνομα που είχε πριν από τη Συμφωνία των Πρεσπών;
Γιατί εκλιπαρεί ο Κυριάκος Μητσοτάκης για την τήρηση της Συμφωνίας των Πρεσπών;
Δεν…

— Stefanos Kasselakis - Στέφανος Κασσελάκης (@skasselakis) May 12, 2024