Специјалното јавно обвинителство ја одгатна брзозборката која ја најави вчера.

Ова обвинителство откри дека отвора четири нови истраги против четири лица и тоа директор на училиште, помошник министер во Министерствтото за внатрешни работи и двајца управители на повеќе фирми.

Обвинителката Катица Јанева, на прес-конференција рече дека Управата за јавни приходи и Министерството за финансии дозволиле поединци и други министерства да работат спротивно на законите, овозможувајќи одредени физички и правни лица да се стекнат со имотна корист затајувајќи даноци и вршејќи јавни набавки незаконито и со повластување.

Најави дека на тој начин се перени пари во Буџетот, а парите завршувале во џебови на функционери од власта. „Ова е почеток, а понатаму ќе се прошируваат за нови кривични дела од нови физички и правни лица“, рече Јанева, која нагласи дека за вакви комплексни потребен е подолг период за покренување обвиненија.

Се наметнува прашањето дека ќе се надмине периодот од 18 месеци, а роковите се далеку пократки од роковите по кои постапуваат останатите јавни обвинителства.

Поради ова, СЈО бата Собранието да ја разгледа законската одредба која ја ограничува нивната работа и да се најде соодветно законско решение за да ги истражат кривичните дела кои се во рамките на нивниот мандат.