Специјалното јавно обвинителство за денеска во 12 часот најави нова прес - конференција. 

Од СЈО не најавуваат за што станува збор и дали ќе биде презентирана нова истрага.

Последната прес-конференција СЈО ја одржа на 18 ноември минатата година. Тогаш го презентираше случајот „Таргет“ во кој откри дека вкупно 5.817 телефонски броеви незаконски биле прислушувани од Управата за безбедност и контраразузнавање преку нејзините системи за следење на комуникации, во период од 2008 година до 2015 година.

Последните два случаи што ги отвори СЈО, „Тенк“ и „Тарифа“, не беа презентирани на конференција за медиуми, туку СЈО за нив информираше преку соопштение за медиуми.