Двата авиони ги донесоа 500.000 дози Синовак вакцини во земјава, најголема пратка досега.

Вакцините ќе бидат складирани во поликлиниката Јане Сандански и Институтот за судска медицина од каде ќе бидат дистрибуирани до вакциналните пунктови во државата. 

Министерот Филипче не беше лично на дочекот на вакцините, но таму дојде државната секретарка во Министерството за здравство, Иванка Стојановски. Таа не одговори колку чини набавката, велејќи дека согласно обврските од склучените договори со фирмите, обврзани се да не ги откриваат цените.

Кинескиот амбасадор Џанг Ѕуо посочи дека вакцината на „Синовак“ е одобрена од СЗО и дека во Кина досега се вакцинирани над 1,1 милијарда луѓе на возраст од 3 до 100 години.

Официјалните карактеристики на вакцината Синовак објавени од СЗО вчера ги сподели и министерот за здравство Венко Филипче во пресрет на нивнито пристигнување. Потребни се две дози, од кои втората се прима од 14-28 дена по првото вакцинирање. Нејзината употреба се препорачува за употреба кај бремени жени кога придобивките од вакцината се поголеми од потенцијалните реизици, исто како и кај доилки и други возрасни лица.