Вработените од „Југохром“ бараат средба со премиерот, Емил Димитриев. 

„Со овој допис бараме повторно одобрување на средба лично со вас и одговорните во Владата на Македонија каде би ги искажале нашите барања и размислувања на Синдикалната организација „Југохром", поврзани со статусот на вработените"- стои во соопштението за барање на средба до премиерот.

Од Синдикатот соопштија дека бараат средбата да биде во најкраток можен рок и дека синдикалните претставници од „Југохром“ ќе бидат достапни 24 часа од денот.

Работниците од „Југохром“ вчера повторно протестираа и го блокираа автопатот Тетово – Скопје, кај наплатната рампа Желино. Печките за топење на феросилициум се исклучени од 1 ноември лани, каде во металуршкиот комбинат работат околу 800 работници кои по искористувањето на бенефициите од бирото за вработување, може да останат на улица и без никакви примања.

Работниците посочија дека иако фабриката не работи, Тетово и понатаму е загадено.