Претседателката Гордана Сиљановска Давковa оствари телефонски разговор со претседателот на Украина, Володимир Зеленски, во кој било нагласено дека продолжува поддршката за Украина.

-Во разговорот со украинскиот претседател Зеленски, претседателката Сиљановска Давкова ја нагласи нашата цврста и недвосмислена поддршка кон Украина во однос на неиспровоцираната и неоправдана руска воена агресија. Осврнувајќи се на меѓународното право, принципите на Повелбата на ОН и Статутот на Советот на Европа, претседателката рече дека украинскиот народ може и во иднина да смета на македонското сојузништво и пријателство во справувањето со историскиот предизвик со трајни и несогледливи последици, се нагласува во соопштението.