Рускиот амбасадор во Македонија, Олег Шчербак  тврди дека Русија не се меша во внатрешните работи на нашата земја. 

Наведе дека во 24-годишните дипломатски односи меѓу двете земји не е забележана ниту една вмешаност од страна на руската Амбасада во Македонија, ниту на руската надворешна политика во внатрешните работи на Скопје.

Тој вели дека дијалогот меѓу Македонија и Русија го карактеризираат одржливото партнерство и повеќевековно пријателство меѓу нашите два народи. 

Вели дека Русија сака натамошно сеопфатно унапредување, на сестринската и заемно корисната работа со македонските пријатели.

„Подготвени сме да се движиме по тој пат толку далеку колку што е подготвена Македонија“- рече Шчербак. 

Тој рече дека сака да потсети дека Русија се залага за сеопфатен развој на соработката со Република Македонија во сите сфери: политиката, економијата, културата, хуманитарната сфера, рече Шчербак.