„СЕГА НЕМА КОЈ ДА ПОТПИШУВА ВО ПРЕТПРИЈАТИЕТО, ЗА ДА МОЖЕ И СО ТИЕ НЕКОЛКУ КАМИОНИ ДА СОБИРААТ ЃУБРЕ“: Арсовска побара од Мицкоски да предложи нов директор на Комунална
Градоначалничката на Скопје во заминување, Данела Арсовска, истакна дека сега откако директорот на претпријатието Комунална хигиена е уапсен, нема кој да потпишува за и тие неколку камиони што ги има да одат и да го собираат ѓубрето.
„Во режијата на МВРО на Мицкоски за приведување на директорот на Комунална хигиена, заборавиле на ДИКТАТОРОТ да му кажат дека сега нема кој да потпишува во претпријатието, за да може и со тие неколку камиони што не успеале да ги саботираат да се собира отпадот.
Почитуван РЕЖИМСКИ ДИКТАТОРУ, бидејќи вети за 72 часа ќе бил исчистен отпадов, ајде таман денес вторник дај име од утре за директор бидејќи овој што не ти чинеше го уапси, да видиме кој е тој ТВОЈ јунак што ќе го исчисти за 3 дена градот.
Таман до петок пред избори да е чисто, гордо во недела да те гласаат сите“, напиша таа.
Слично
Поврзани вести
