Во текот на изминатиот ден во подрачјето на Скопје се случиле 7 сообраќајки, во кои три лица се здобиле со полесни повреди, а причинети се и материјални штети.

Според информациите на МВР, вчера сообраќајната полиција открила и санкционирала поголем број прекршоци.  Дваесет и осум возачи се движеле со брзина поголема од дозволената и еден возач кој не дал првенство на минување на пешаци. Санкционирани биле и 23 пешаци кои поминале коловоз вон пешачки премин.

Од сообраќај биле исклучени двајца возачи кои  возеле под дејство на алкохол, 14 возачи пред да се стекнат со право на управување на моторно возило и тројца возачи почетници, како и 11 нерегистрирани возила и едно возило за претовар.

Во вчерашниот  ден вкупно 112 возила се затекнати непрописно паркирани, а со специјалното возило пајак, отстранети биле 70 возила.