Бетонски „чудовишта“ се градат на Плаошник обвини опозициската СДСМ во Охрид и бара веднаш да запре изградбата на објектите и да се изврши детална анализа на проектот.

„На Плаошник се случува страшна и безмилосна армирано-бетонска узурпација и девастација“, вели Томислав Тунтев претседател на охридските социјалдемократи.

Надлежните институции уверуваат дека предвидените објекти внимателно биле проектирани и естетски немало да ја загрозат Светиклиментовата црква Св. Пантелејмон на Плаошник. Според Тања Паскали Бунташеска, директорка на Охридскиот музеј, на Плаошник ќе се градат вкупно 16 објекти, но комплексот не се уништува туку се гради според законските прописи.

„Таа работа се уште не е завршена со градбите. Можеби сега ви делуваат грамадно, бидејки сега се голи столбови со плочи. Тоа ќе се изгради исто како и црквата“, рече Паскали.

Од општинската организација на ВМРО ДПМНЕ во Охрид сметаат дека нападите на СДСМ се само обид да се соберат поени во пресрет на престојните избори.