Албанскиот премиер, Еди Рама деновиве во Тирана одржа средби со лидерите на албанските политички партии од Македонија.

Рама се сретнал со лидерот на БЕСА и на Алијансата на Албанците, Билал Касами и Зијдин Села, а за денеска се закажани средби и со лидерите на ДУИ и на ДПА, Али Ахмети и Мендух Тачи. Ахмети сепак не заминал на средбата поради обврски. 

Албанскиот премиер нагласи дека на средбите е разговарано за состојбата после изборниот процес во Македонија, но притоа не се дадени детали дали им е дадена насока на албанските партии, со кого би коалицирале. 

По изборите, Рама повика да се гради соживот во Македонија меѓу граѓаните, но и Охридскиот договор да биде приоритет.