Снимка од камерата пред вратата од кабинетот на поранешниот прв човек на Собранието,  Трајко Вељановски денеска е прегледана во судот. 

Се гледа движење од членовите на неговото обезбедување, како и на обвинетите Горан Ѓошевски и Елена Божиновска, и Иван Цветановски. Потоа се појавува обвинетиот Никола Митревски Кољо, со фантомка што ја симнува и доаѓа до Абдулфета Аљими и обезбедувањето.Толпата која влезе во Собранието доаѓа до кабинетот, а потоа дел се враќа по скалите надолу. Се појавуваат лица со фантомки и облечени во црно, од кои обвинителката ги посочува Стефан Младеновски и Митре Митроповски. 

„Во однос на приговорите за монтирани снимки. Обвинителството нема што да крие, уште помалку, да сече, лепи и монтира. Предлагам спорните снимки за одбраната да бидат повторно и во целост презентирани“, рече обвинителката Вилма Рускоска.

За настаните од 27 април лани обвинети се 33 лица, од кои 31 за терористичко загрозување на уставниот поредок на државата и двајца за поттикнување. 

Опозциската ВМРО- ДПМНЕ инсистира на Закон за целосна аменстија за настаните од 27 април.  

Од ВМРО-ДПМНЕ најавуваат дека тој деновиве ќе биде и формално поднесен во парламентот.