На состанокот, како што соопштија од кабинетот на Спасовски, било оценето дека државата напредува, поздравени се направените реформи и определбата за видливи промени во делот на имплементацијата. 

„Изразено е задоволство и за определбата на премиерот, на Кабинетот на премиерот и на Владата за воспоставувањето Централна единица за мониторинг во Канцеларијата на претседателот на Владата, со цел поефикасна испорака резултати во делот на клучните економски реформи и е најавена активна помош и поддршка од страна на германскиот советник и неговиот тим“, се вели во соопштението. 

Констатирана е заеднички важноста од ефикасно воспоставен мерит систем, со фер шанси за сите. Заеднички е ставот дека во системот на одлучување е потребно поедноставување на процедурите и функционирање на носителите на работни позиции на база на добри проценки за компетенциите на ангажираните кадри, како и преземање одговорност за носењето брзи и квалитетни одлуки. 

На состанокот било договорено да продолжи продуктивната соработка со германскиот советник Дефа и неговиот тим и во делот на иновациските политики и smart (паметната) специјализација, како области на модерното време, атрактивни за работа за младите луѓе, а преку коишто е возможна ефикасна имплементација на реформите во сите области значајни за граѓаните.