Премиерот Зоран Заев на денешната средба со францускиот амбасадор Кристијан Тимоние изјавил дека силно се посветени на практична имплементација на сите донесени закони и реформски чекори.

„Нашата определба како Влада е, во следниот период, заедно со опозицијата, уште пофокусирано да се посветиме на решението за Законот за јавно обвинителство. Ефикасно правосудство и борба против корупцијата се двете важни области за нашата држава, што е европски определена и очекува исчекор во октомври во делот на евроинтеграциите“, изјавил Заев.

Заев разговарал со Тимоние и за економските чекори што ќе се преземат со цел зголемување на платите и пензиите и поголем економски раст.