Ја разбирам нервозата на пратеникот зошто СЈО продолжува да работи, одговори специјалната jавна обвинителка, Катица Јанева за тврдењето на Зоран Илиоски од ВМРО-ДПМНЕ дека СЈО станало во генератор на правна несигурност.

„Специјалното јавно обвинителство работи според законот, кој вели до завршување на сите постапки“ – рече Јанева. 

Претходно, Илиоски ја праша специјалната јавна обвинителка дали прислушувани разговори има на црниот пазар, како и зошто ангажираат само вештаци кои се поранешни функционери на СДСМ и ги обвини дека најавуваат обвиненија надвор од мандатот. 

Пратеникот Илиоски ѝ забележа на Јанева дека во извештајот не дава детали како се потрошени околу 900 илјади евра. 

Пратеникот Бетиане Китев од СДСМ, за извештајот за работата на СЈО, рече дека е реален и објективен.