Министерството за внатрешни работи потпиша рамковни спогодби од речиси 280 илјади евра со пет фирми, а за храна која  за во бифе на МВР Скопје, одмаралиштата на МВР во Крани, Пониква и Охрид и по потреба Крушево и Струмица.

Со друштвото за консалтинг, „Фиуна Компани“ од Скопје, Министерството за внатрешни работи потпиша спогодба во вредност од речиси 28 илјади евра за набавка на леб и бели пецива. 

МВР ќе набавува јајца од гевгелиската фирма „Ветеринар“, а за оваа набавка, потпишана е рамковна спогодба речиси 40 илјади евра. Млеко и млечни поризводи пак, ќе се набавуваат од фирмата „Ѓоргиеви“ од Конче, за 131 илјада евра. 

Останатата сума, односно нешто над 80 илјади евра, за набавка на кондиторски производи (слатки) и конзервиран и замрзнат зеленчук, оди во рацете на Даути Комерц. 

Со одлуката да се направи рамковна спогодба наместо договор, Министерството за внатрешни работи остава простор сумата да не биде до крај искористена, односно да не се случи целосно набавката која била планирана. Во секоја од спогодбите стои дека набавките треба да се направат во период од две години.

Александар Тодески