За случајот „Тревник“ во кој се обвинети новинарот Драган Павловиќ Латас и неговите двајца браќа Срѓан Павловиќ и Звездан Павловиќ за изградба на викенд куќи без одобренија, обвинителката од СЈО, Елизабета Јосифовска достави нови 33 аудио разговори на Латас и соговорници, кои ќе бидат презентирани на наредното рочиште, закажано за 31 мај, објави Фокус.

Адвокатките на обвинетите, Светлана Савиќ и Анита Бегова приговараа дека обвинителката во оваа фаза на постапката нема право да доставува нови докази, на што обвинителката Јосифовска образложи дека станува збор за докази поднесени како реплика на доказите на одбраната, потенцирајќи дека тоа право го овозможува законот.