Општина Штип објави трет бран на коронавирусот. 

Градоначалникот Благој Бочварски денеска алармираше за зголемениот број на новозаразени овој период. 

На Инфективното одделение има 50 заразени, а во самоизолација се близу 600 штипјани. 

Бочварски вели дека вирусот не е раширен само во текстилните фабрики туку и во други сектори. 

„Иако Општина Штип не носи одлука за карантин или полициски час, сакам да го искажам мојот став дека сум оптимист и верувам дека ќе успееме да го пребродиме овој бран, без притоа да се случи делумно или целосно затворање на градот. Затоа ние мораме да направиме се и да не дозволиме да продолжи растот на новозаразени, а со тоа да се преполнат капацитетите на болниците и повторно да се вратиме на поголеми ограничувања во функционирањето“, вели  Бочварски. 

Тој најави засилени контроли наредниот период од сите надлежни институции и повика граѓаните да ги почитуваат мерките.

За 24 часа во Штип има нови 19 заразени со коронавирусот, објави Министерството за здравство.