Никола Груевски некогаш важеше за модернизатор на Македонија, пишува германскиот магазин Шпигел, пренесе Дојче Веле.

Потоа се претвори во ултранационалистички владетел, кој сака да ја втурне својата земја во хаос- за да избегне затвор, наведува Шпигел за лидерот на ВМРО-ДПМНЕ, Никола Груевски. 

Шпигел во анализата посветена на состојбата во Македонија ја опишува метаморфозата на екс премиерот Никола Груевски, од надежен економист до ултранационалистички популист.

Груевски се претвори во ултранационалистички- популистички владетел кој владее во земјата со криминални методи: од безобзирни изборни измами преку корупција и шпионирање до сомнителни политички убиства. Македонија од земја за пример, стана најексплозивната земја во регионот“.

„Нов климакс, речиси тригодишната криза, доживеа минатиот четврток: По повеќенеделни националистички протести вооружени групи упаднаа во Парламентот и започнаа со една брутална насилничка оргија против опозициските пратеници. Многу набљудувачи се убедени дека Груевски е главен организатор на нередите“ - пишува Шпигел. 

Македонскиот публицист Сашо Орданоски верува дека Груевски е подготвен „да ја жртвува цела Македонија за своето политичко преживување. Тој сака да ја фрли земјата во хаос, а потоа себеси да се профилира како стабилизатор. Единствената алтернатива за него е: затвор, пишува Шпигел.