Носителот на листа на СДСМ, во изборната единица 6 Петре Шилегов денеска на средби со жители во општина Гостивар рече дека зад параванот сами одлучуваат за својата иднина. 

Тој таму ја претстави предизборната програма. 

Повтори неколку акценти меѓу кои и најавите за минимална плата од 16.000 денари и просечна 30.000 денари. Додава дека со програмата е предвидено платата на наставничкиот кадар да не биде пониска од просечната плата. 

„Во недела сте сами зад параванот и одлучувате за вашата иднина. Заокружете го бројот 4 за да го спроведеме планот за живот и да ја вратиме насмевката на лицата, рече Шилегов. 

За ветувањата на противкандидатот Влатко Ѓорчев за 37 проекти за Гостивар рече дека се лаги.