Петре Шилегов, градоначалникот на Скопје, денеска се врати на своето работно место во својот кабинет откако претходните 17 дена боледуваше како позитивен од Ковид-19.

„Назад на секојдневните обврски. Скопје не смее да застане. Одиме понатаму, уште повеќе, уште подобро“, напиша Шилегов на својот профил на Фејсбук.

Скопскиот градоначалник вчера објави дека е негативен на коронавирусот, односно дека го победил невидливиот противник и дека денеска се враќа на секојдневните обврски.

Шилегов на 20 јуни објави дека е позитивен на корона вирусот. На својот фејсбук профил тој напиша дека покрај сите мерки кои што гипревземал за лична и заштита на луѓето околу него, сепак тестирањето покажало дека е позитивен на ковид-19.