Петре Шилегов во име на неговата партија СДСМ ги повика сите вработени во  јавните установи и правосудниот систем да бидат свесни за нивната одговорност, притоа да ја работат работата професионално и да не штитат криминал.

Шилегов вели дека единствено што моментално може да направи Никола Груевски за државата е мирно примопредавање на власта.

Тој рече дека се злоупотребува Деловникот на Собранието со тоа што пратеници од иста пратеничка листа,  реплицираат и контрареплицираат самите на себе, гуубејќи го времето кое е важно за граѓаните и дека треба да ги откочат демократските процеси за земјата да оди напред.

Од СДСМ денеска посочија дека партијата на Никола Груевски нема да избега од направените криминали, а дека рокот на Специјалното јавно обвинителство ќе биде продолжен за да се расчисти случајот со прислушувањето.

Шилегов најави реформи во судството укажувајќи дека Македонија ќе биде правна држава.