Шест повреди се регистрирани во градски автобус во Скопје откако возачот нагло закочил вчера околу 14.30 часот на улицата „Втора македонска бригада“.

Станува збор за евидентирани повреди кај возачот и кај петмина патнизи, од кои со тешки повреди се здобил Џ.Д.(59) од Скопје и бил пренесен во Градската општа болница „Свети Наум Охридски“ за да му биде укажана лекарска помош.

Во полицискиот извештај пишува дека со полесни повреди минале возачот и патниците А.И.(60), Т.В.(24), Љ.Б.(21), Е.И.(20) и Ќ.М.(58), сите од Скопје.

Дополнително, Ќ.М. била пренесена во градската општа болница „Свети Наум Охридски“, а останатите четворица патници биле пренесени во комплексот клиники „Мајка Тереза“. 

Увид на местото извршила екипа од СВР Скопје.