Потпретседателката на СДСМ, Радмила Шекеринска во разговор за Дојче Веле отфрла било каква можност за преговори за амнестија со екс премиерот,  Никола Груевски и вели дека на Македонија и треба „чист почеток“.

Вели дека ако оваа земја не се справи со проблемот на „заробена држава“ и огромна корупција, Македонија ќе оди од една криза во друга. 

„Затоа рековме дека тоа завршува тука, и никогаш не смее да се повтори“- вели Шекеринска во разговор со новинарот на ДВ, Франк Хофман во Скопје. 

Потпретседалката на Социјалдемократите алудира на шпекулациите за можен договор со поранешната владејачка ВМРО-ДПМНЕ и нејзиниот лидер, Никола Груевски околу нивна амнестија од сомнежите и обвинувањата за корупција и злоупотреби на функциите.