„Картата објавена од страна на министерот за одбрана на Бугарија ја доживеав како знак на неговата слабост. Кога немате што да кажете за денес, ќе се вртите кон историјата. Кога нема што да понудите за граѓаните, за државата, за регионот, тогаш почнувате кавги. Јас не мислам дека треба да се влегува во тие кавги. Затоа што со тоа се навредуваат и иритираат соседите, не само Северна Македонија, а притоа ништо не се постигнува. Мислам дека голем број од тие вести стануваат само вести заради тоа што кај нас многу голем третман им даваме, и затоа мислам дека тоа не треба да го правиме“, вели министерката.

Шекеринска е коректна и во однос на списокот со имиња кои ги имаат политичари - претежно пратеници на опозициската ВМРО-ДПМНЕ а за кои Каракачанов вели дека се нашле на избирачките списоци за парламентарните избори во Бугарија на 1 април.

„Како што мислам дека не треба да бидеме маша или мегафон во неговите раце во други прилики, и сега мислам дека грешиме што му даваме толку голем медиумски, па и политички простор“, изјави Шекеринска.