Приоритет во одбраната во моментот е финализирање на Стратешкиот одбранбен преглед (СОП), документ кој во Македонија не е донесен неколку години, а е потребен со цел во него да да бидат содржани важните аспекти на одбраната во земјата.

Се очекува СОП да биде изготвен до средината на годинава, а од 2016 година иако било најавено, таков документ нема, а нема ниту Стретегија за одбрана. 

Ова го кажа министерката за одбрана, Радмила Шекеринска и додаде дека за оваа година не се најавени посериозни набавки и модернизација на АРМ.

Рече дека фокусот во моментов е на подобрување на стандардот на припадниците на АРМ и условите работа.

„Објавивме дека нема да се повторува грешката од 2017 година, да се влезе во набавки без да се знаат приоритетите. Број еден е да се заврши Стратешкиот одбранбен преглед, документ кој доцни долго време. Треба да биде готов до средината на 2018 година. Тој треба да ги дефинира вистинските потреби и приоритети во делот на набавките“ - вели таа. 

СОП ќе покаже кои се способностите, капацитети кои армијата треба да ги има и по кој приоритет треба да се оди во модернизацијата. 

Таа потсети дека оваа година е обезбедено 15 отсто зголемување на буџетот за одбраната како и десет отсто зголемување на сите плати на припадниците на АРМ.