Кризата во Македонија е најмалку политичка, и сѐ поочигледно е дека имаме сериозна меѓуетничка криза, велат од ТМРО.

„Сеалбанската платформа е отворено против унитарниот карактер на македонската држава, ги негира обележјата кои го изразуваат националниот македонски карактер и со уцена сака да изврши искривување на историската вистина, сакајќи на балистичките злосторници кои ја опустошија западна Македонија, македонскиот народ да им се извини. Јасно е дека албанските партии со овие провокации, воопшто не ги интересира состав на никаква влада, освен уривање на унитарноста на државата, а настаните недвосмислено упатуваат на меѓуетничка криза“ - изјави лидерот на ТМРО, Ванчо Шехтански.

Македонците треба да покажат национално единство за зачувување на виталните македонски интереси на македонската држава, додава тој.