Шеесет годишен возач од село Теарце, Тетовско починал при управување на своето возило. 

Како што информира Министерството за внатрешни работи, денеска во раните утрински часови, Т.Д. патувал со своето „Даеву“ и излетал од патот. 

Доктор при Итната медицинска помош можел само да констатира смрт, а неговата сопруга изјавила дека пред несреќата на тетовчанецот му се слошило и изгубил контрола над возилот. 

- Денеска (13.02.2023) во 05.55 часот во СВР Тетово било пријавено дека на регионалниот пат Тетово-Јажинце, кај с.Слатино, патничко возило „даеву“ со тетовски регистарски ознаки, управувано од Т.Д.(60) од с.Теарце, излетало надвор од коловозот. Лекар од Итна медицинска помош констатирал смрт кај возачот, а во службен разговор, сопругата на возачот изјавила дека пред несреќата на Т.Д. му се слошило, по што изгубил контрола над возилото. Извршен бил увид од увидна екипа од СВР Тетово - се потенцира во извештајот на МВР.