Серија земјотреси со епицентри од охридското крајбрежје
Телеметриската сеизмолошка мрежа на сеизмолошките станици инсталирани ширум нашата територија рано утринава регистрираше серија на земјотреси чии епицентри потекнуваат од епицентралното подрачје Пештани-Охрид-Струга, 102 километри југозападно од Скопје.
„Според досегашните податоци со кои располага опсерваторијата, од серијата на земјотреси, почувствуван е земјотресот во 4 часот и 34 минути во Охрид и блиската околина со интензитет од V степени според Европската макросеизмичка скала, а во останатите југозападни делови од Републиката, земјотресот е почувствуван со интензитет од III-IV степени според Европската макросеизмичка скала“, објави Сеизмолошка опсерваторија.
Освен вознемиреност кај граѓаните, материјални штети не се пријавени.
Слично
Поврзани вести
