Возобновувањето на пазарот на недвижнини во САД, кој почна на почетокот на годинава, се соочува со уште една пречка поради поплавите и штетите од ураганот Сенди. Според пресметките на компанијата Core Logic,  на ризик од штета  се изложени станови и куќи во седум држави во Америка кои вредат вкупно 88 милијарди долари. Во Њујорк проценетата штета е  35,1 милијарди долари, следен е Њу Џерси - 22,6 милијарди долари, Вирџинија - 11,3 милијарди долари, Масачусетс - 7,8 милијарди долари, и Мериленд, Делавер и Пенсилванија - вкупно за 11 милијарди долари. Бурата може да влијае и на бизнисот со имотните хипотеки, па затоа Wall Street ја замрзна продажбата на вакви обврзници во вредност од околу 3 милијарди долари, вклучувајќи кредити за трговски центри, хотели и канцелариски згради. На долг рок, Сенди може да ја влоши ситуацијата и со имотите под забрана, чии сопственици немаат доволно ресурси да ги одржуваат, а компаниите кои дале заем за имотите, немаат законска обврска да го прават тоа. Во исто време затворени се и многу судови кои работат на барањата за забрана на имот, што дополнително ќе го забави процесот.