Лидерот на ДУИ Али Ахмети денеска на својот профил на Фејсбук испрати порака до граѓаните да се вакцинираат против корона вирусот, со цел да се заштитат и себе си и другите. Вели дека секој ден добива жални вести за најблиски кои се борат со болеста или завршиле фатално. Истовремено изрази искрено сочувство до семејствата на починатите од ковид.

-Почитувани, јас, заедно со моето семејство, сме вакцинирани од мај месец, како еден единствен начин за справување со смртоносниот вирус COVID19. Во текот на оваа година и половина, многумина од нас ги загубија своите сакани. Секојдневно добиваме кобни вести од најблискиот круг, синоќа починаа братот на мојот пријател Бекир Асани заедно со неговата 33-годишна ќерка
и братот на мојот пријател Невзат исто така. Изразувам најдлабоко сочувство до сите членови на семејствата кои ги загубија животите од овој подмолен вирус и апелирам за масовна
ВАКЦИНАЦИЈА и почитување на мерките, дистанца, маска, хигиена. Ве молам за грижа и висока граѓанска одговорност, семејна и индивидуална свест, затоа вакцинирајте се и не двоумете се!, пишува лидерот на ДУИ во објавата