Уште една група македонски државјани наскоро ќе пристигнат во главниот град, откако се евакуираа од Авганистан. Триесетина Македонци слетаа во Истанбул, во Турција и до вечер треба да стигнат во Скопје. 

Тие евакуирани од авганистанскиот главен град Кабул и до вечерва би требало да пристигнат во Скопје.

„Во моментов над триесетина наши граѓани, кои беа сместени во воената база на САД во Доха, Катар, успешно се трансферирани во Истанбул, Турција, од каде во секој момент се очекува да се качат на авион и да се упатат за Скопје. Летот со кој е предвидено да пристигнат, се очекува да слета во 19:50, по локално време на меѓународниот аеродром Скопје“, велат од Министерството за надворешни работи.

Двајцата српски државјани кои преку медиумите бараа помош да се евакуираат, се спасени и се вратени дома. Тие раскажаа низ што поминале во Кабул.