СЕДНАЛ ЗАД ВОЛАН СО НАД ТРИ ПРОМИЛИ АЛКОХОЛ ВО КРВТА - уапсени возачи, ќе добијат кривични пријави
Давјца алкохолизирани возачи во текот на вчерашниот ден се уапсени, а едниот од нив предизвикал сообраќајна несреќа.
Запрепастувачки е што вториот возач има над три промили алкохол во крвта.
- На 18.10.2025 во 00:00 часот полициски службеници од ОВР Прилеп на ул.„11-ти Октомври“ во Прилеп го лишија од слобода В.С. од Прилеп. При контрола во патниот сообраќај, полициските службеници сопреле возило „мерцедес" со прилепски регистарски ознаки, кое В.С. го управувал, при што е констатирано дека бил под дејство на алкохол, односно измерени му се 1,58 промили алкохол во крвта - објави МВР.
Во истото соопштение споделија податоци и за пијаниот возач од Кавадарци.
- На 17.10.2025 во 19:20 часот, во село Пепелиште, неготинско, полициски службеници од ОВР Неготино, го лишија од слобода С.Ф.(43) од Кавадарци. При преземање на мерки во врска со сообраќајна несреќа во која С.Ф. учествувал со патничко возило „застава 101“ со неготински регистарски ознаки, било утврдено дека С.Ф. го управувал возилото под дејство на алкохол, односно му биле измерени 3,32 промили алкохол во крвта - посочуваат од МВР.
По документирање на случаите, ќе бидат поднесени пријави по член 297-а од Кривичниот законик - „безобѕирно управување со моторно возило“.
Слично
Поврзани вести
