Според поселдната анкета на Институтот за демократија „Социетас Цивилис“, (ИДСЦС), половина од испитаните граѓани во Македонија дале потврден одговор дека сакаат да се вакцинираат, 34% категорично изјавиле дека не би се вакцинирале, а 16% се двоумат.

Во однос на прашањето со која вакцина би се вакцинирале, највисок процент, однсно 39 отсто се изјасниле за вакцината од производителот Фајзер, а руската, Спутник V би ја примиле 21 % од испитаниците. Помала заинтересираност граѓаните искажуваат за вакцините на Синофарм, која ја преферираат 6 отсто, потоа на Модерна, која ја преферираат 5 проценти, додека најмалку преферирана вакцина е Астра Зенека, за која се определиле само 3 отсто од граѓаните.

Анкетата е спроведена од 17 февруари до 10 март на репрезентативен примерок од 1010 испитаници.