Македонскиот сервис на Радио Слободна Европа ќе биде затворен на 31 март 2026 година, заедно со паштунскиот сервис Радио Машал, соопшти медиумската организација.

Одлуката е донесена поради буџетски причини и потребата за реорганизација на ресурсите, изјави претседателот и извршен директор на Радио Слободна Европа, Стивен Капус.

– Затворањето на овие два сервиса е загуба за публиката што ја опслужуваат. Но, сегашната буџетска состојба нè принудува повторно да ги приоритизираме начините на кои ги распределуваме ресурсите. Оваа одлука е донесена со длабока благодарност за работата на тимовите и високите стандарди што ги одржуваа – изјави Капус.

Македонскиот сервис на Радио Слободна Европа постои од 2001 година и во изминатите две и пол децении беше еден од значајните медиумски извори на информации за домашната и меѓународната јавност.

Со неговото затворање, медиумската сцена во Македонија останува без уште еден долгогодишен информативен сервис.

.@RFERL’s North Macedonia Service (@RSE_Makedonski) and Pashto-language service, Radio Mashaal (@MashaalRadio) will close on March 31, 2026.

RFE/RL President & CEO @SteveCapus:

“The closure of these two services is a loss for the audiences they serve. But RFE/RL’s current… pic.twitter.com/lPtPp0WwAq

— RFE/RL Pressroom (@RFERLPress) March 24, 2026