Жител на Дебреште кој по враќањето од Германија завчера одбил да се самоизолира ќе треба да плати глоба од 2500 евра.

Тој е првиот кој добива ваква казна откако се воведоа препораките од властите за повратниците од земјите со високо и средно ниво на ризик поради коронавирусот.

Казнетиот не бил затекнат дома кога полицијата дошла да го исконтролира а тој во телефонска изјава кажал дека е на истовар на стока во Струмица.

Според официјалните податоци на надлежните, обвинетиот во државата влегол на 16 март во 23:15 часот, враќајќи се од Германија која земја веќе е на листата на СЗО за високо ризични и не сакал да се потпише на изјавата дека ќе се самоизолира 14 дена.