Македонија денес жали за жртвите од катастрофалното невреме кое однесе 21 жртва, додека шест лица се водат како исчезнати.

Спасувачките екипи евакуираа повеќе од 1000 граѓани од нивните домови и така спречија уште поголема трагедија. Материјалната шетата е огромна, во Скопје е на сила вонредна состојба, додека во цела земја е прогласен Ден на жалост.

Помош за граѓаните во поплавените подрачја пристигува од речиси сите краеви.

Граѓаните обединети, организирани преку социјалните мрежи собираат донации во облека, храна, вода и пари.

И бројни компании се јавија со помош и донации.

Со специјализирани возила се испумпува водата, волонтерите и екипите ги чистат насобраните нечистотии, се носи вода, храна и други неопходни хигиенски средства.

Заев денеска е со граѓаните од најпогодените подрачја во Скопје и скопско, од населените места Ченто, с.Сингелиќ и с.Стајковци. Тој на терен ја предводеше акцијата за помош на граѓаните од погодените подрачја на коишто им е најпотребна.

Куманово и општина Струмица испратија по еден милион денари помош за поплавените подрачја.

Доколку сакате и вие да донирате , тоа може да го направите на тел.број 143-400 од сите мрежи.