Се реновира Здравствениот дом во Виница, ќе се штеди на греење
Започна втората фаза од реконструкцијата на Здравствениот дом во Виница. Инвестицијата е вредна 380 илјади денари со што ќе се менуваат прозорците во административниот дел и во одделението за ортодонција стари над 5 децении.
„Со овој зафат се очекува потрошувачката на дрва да се намали за повеке од 10% при што годишно оваа установа за загревање на сите простории троши околу 500 метри кубни дрва во вредност од милион и 200 илјади денари“, изјави директорот Мартин Павлов.Парите ги обезбеди од сопствени извори Здравствениот дом Виница, каде лани веќе беа инвестирани милион и 600 илјади денари во опремувањето на просториите за итна медицинска помош, лабораторијата, санитарните јазли, влезот во зградата, како и фасадата на зградата.
Слично
Поврзани вести
