ВМРО-ДПМНЕ не успева да покаже гранитност пред одржување на вонредниот Конгрес кој треба да почне утре во Валандово и во сабота да заврши со избор на нов партиски лидер откако Никола Груевски по речиси 15 години доминација во партијата си поднесе оставка од повеќе причини.

Тој вели дека одлуката за вонреден Конгрес била едногласна, но кратко потоа дојде до големи несогласувања внатре во партијата, со нови барања за одложување на избор на нов претседател, па дури и обвинувања директно до Груевски дека вршел притисок врз дел од членството да одбере кандидат кој бил негов фаворит.

Според шпекулациите постои шанса Конгресот да се одложи, а за таков чекор се залагаат повеќе групации, меѓу нив е и кандидатот Филип Петровски кој е најактивен на социјалните мрежи и силно агитира меѓу членството. Незадоволство искажа и пратеникот Илија Димовски, како и поголема група на видни личности. од највисокото раководство и поранешни министри кои се потпишаа на писмо до Груевски. Тој пак, им одговори дека бил целосно неутрален додека траела процедурата за избор на кандидати за негов наследник и дека никого не фаворизирал.

"За се во врска со било какви забелешки и за евентуални предлози за промени на веќе изгласаната одлука може да се одлучува само на ЦК на ВМРО-ДПМНЕ, кој ќе има седница пред одржување на конгресот. На истата седница на ЦК, секој ќе може да изнесе свои аргументи и предлози токму пред партиското тело кое ги носи најважните одлуки од овој тип", вели Груевски.