Граѓаните се повеќе ги избегнуваат автобусите како превозно средство. 

Најновите податоци на Државниот завод за статистика, има пад на превезените патници и во градскиот, и во приградскиот и во меѓународниот превоз. 

- Вкупниот број превезени патници во патничкиот патен превоз изнесува 10.686 илјади во второто тримесечје од 2024 година и во однос на истиот период од претходната година е намален за 15,1 проценти - се нагласува во соопштението на ДЗС.

Според видот на превозот, бројот на превезените патници во градскиот превоз е намален за 14,5 проценти, во приградскиот превоз за 16,5 отсто, во меѓуградскиот превоз за 9,9 проценти, а во меѓународниот превоз е намален за 30,3 отсто.

- Во второто тримесечје од 2024 година, во однос на истиот период од 2023 година, вкупниот број патнички километри во патниот патнички превоз е намален за 19,5 проценти. Според видот на превозот, бројот на патничките километри во градскиот превоз е намален за 13,6 отсто, во приградскиот превоз е намален за 13,7 проценти, во меѓуградскиот превоз е намален за 0,9 отсто, а во меѓународниот превоз намалувањето изнесува 29,7 проценти - се наведува во соопштението на ДЗС.