Откако во јавноста се пласираше информација дека пропаѓа сопственикот на ланецот продавници ПЕПКО, кој е еден од омилените на Србите но и на Македонците кои редовно ја посетуваат Србија, од компанијата со известување до јавноста информираа за актуелната состојба,

„ Компанијата PEPCO веќе неколку години работи како независна, успешна котирана компанија со сопствено финансирање и силен биланс одвоен од „Steinhoff International Holdings“.

Во јули 2023 година, компанијата PEPCO објави понатамошен стратешки напредок, продолжувајќи со силен раст на приходите и профитот - поттикнати од стратегијата за проширување на синџирот продавници - приходите за 9 месеци се зголемија за 19,3% по постојани курсеви, достигнувајќи 4,2 милијарди евра.

Компанијата PEPCO, која работи во 20 земји во Европа, го постигна својот успех и ќе продолжи да го постигнува со голема поддршка на нашите лојални клиенти, силни парични текови и позитивен биланс. Во јуни 2023 година, групацијата успешно го заврши рефинансирањето на долгот, правејќи ја првата емисија на обврзници во вредност од 375 милиони евра, што наиде на голем интерес кај меѓународните и полските инвеститори, а вредноста на претплатата беше многукратно повисока од понудата.

По успешното издавање на обврзниците, PEPCO доби позитивни оценки од трите водечки рејтинг агенции - „Fitch“, „S&P“ и „Moody's“, кои ја истакнаа цврстината на бизнисот и здравиот профил на органски раст - како резултат на развојот програма на синџирот продавници, обем и атрактивност.понуда во вредносниот сегмент“, објавија од компанијата.

Да потсетиме дека сопственикот на 70 отсто од компанијата поднесе барање за стечај.

БАНКРОТИРАШЕ ЕДЕН ОД СОПСТВЕНИЦИТЕ НА ОМИЛЕНИТЕ ПРОДАВНИЦИ НА СРБИТЕ И МАКЕДОНЦИТЕ: Што ќе биде со продавниците, дали ќе се затворат?